جرح الهوا
*********----
القلب جرحه مالوش دوا
وصابنا منكم احنا الهوا
ياقلبى صابك جرحهم
ماقلنا نبعد. عنهم
ايه اللى نابك منهم
بايت عليل. مالك دوا
ماقولت سيبك منهم
مانتاش. ياقلبى زيهم
ولا فعلك. زى فعلهم
هم اكيد بقم سوا
مشيت سنين وكمان بلاد
ولاهم جولك فى المعاد
دايما بينسوك فى البعاد
وعمر الهوى ماجاش سوا
عمرى ماشوفت زيهم
والحب ماعداش عندهم
هما كده وده. اصلهم
فى البعد عنهم مرغمه
يااللى انتوا فاكرين الغرام
كلمه تقولوها والسلام
من بعد صلح يبقى الخصام
يفضل مخاصمك بالسنه
اياك تفكر يوم تعود
مهما وعدت من وعود
واياك تشمت يوم حسود
ومهما كنت. انا مغرمه
قالوا الغرام والله حرام
للى مايفهم معنى الكلام
ولامد ايده بالسلام
وفى الحب قال متنعمه
اصل الوداد لحن الحياه
واللى يصون حب التقاه
ولامره يوم عن قلبه تاه
دا سيمفونيه. ومتنغمه
انا قلت اشوفلى كمان يومين
افرح القلب الحزين
ويعيش على الافراح ضنين
ومن الوجع. متلثمه
**************************
*راوية حسن*
ليست هناك تعليقات:
إرسال تعليق