مد الايد وابنى
***************
طيب مد الايد وابنى
سيبك من اليأس اللى صابنى
خلى طوبه تبقى فرحه
اصلى شوقى ليك غالبنى
قلت أمد الايد واساعد
ده الهنا اللى فى قلبى واعد
انتظرت انك تشارك
والطريق مابينا باعد
طيب جرب مرة قرب
خايف ليه دايما بتهرب
يالا قدم يالا واجه
عمرى ابدا يوم ماهكدب
وان كدبت يبان عليه
حتى اقرا اللى فى عنيه
عمرى ماخبيت مشاعر
فى الاساس انت اللى ليه
سيبك من اللى فات وعدى
خلى مابينا الموده
هى دى بس اللى باقيه
خليك ويايا واهدى
بلاش تفكر كتير
لقلبى انت الأمير
جوه فى القلب انت باقى
وانا قلبى ليك اسير
اه يادنيا يااللى ناسك
ياما شربوا مر كاسك
ليه دايما تقسى عليهم
مهما عاشوا الكل داسك
قلت أما وصل كلامى
للى يصعب عليه الامى
انت بس اللى بيه حاسس
انت اقرب منى ليه
*راوية حسن *
ليست هناك تعليقات:
إرسال تعليق