((كن قوياً لا للأستسلام))....
بيقولوا عليا ست جريئة ....
التهمه دي ياناس ظالمة أنا منها بريئه....
(بس بيني وبينكم هههههه دي اه حقيقة)...
أيوه بحب المغامرة وروحي مكابرة بجد (عنيدة)...
بعافر وأنافر بكل طريقه....
لو قدامي سدود أهده سد سد...وأعدي الحدود....ولايمنعني حد.....
أنا مش من النوع المستسلم ولا من النوع الضعيف.....
عارفين يعني إيه أستسلم ده إحساس بالله بالنسبة لي مخيف....
أستسلم يعني موتي في الحياة طب بعده ليه أعيش.....
طول ماأنا عايشة الحياة لازم فيها أقاوم عشان أعرف أعيش....
وللأستسلام منحنيش.....
يمكن أهديي شوية وأستني علي نفسي أبص وأشوف منين أبتدي...
ولو من أول السطر رجعت تاني وأبتديت...
لكن للهزيمة والأستسلام أنا مبستسلمش ....
واللي فات ورايا مش ببص عليه ....
لأنه ماضي وأنتهي ليه أرجع تاني أفكر فيه.....
لو كان في خير ليا كان فضل ليا ومسبنيش.....
عشان كده أنا لازم أعيش....
وللأستسلام والهزيمة أبدا بإذن الله منحينيش......
أسعدكم الله سعادة لاتنتهي أبدا
( كن قوي العزيمة قدر المستطاع ...
من يظل ينتظر الماضي فقد ضاع.)
بقلمي ((منى شحاتة)) مصر القاهرة
ليست هناك تعليقات:
إرسال تعليق