ماني صحيح ماني مداوي
قلمي غاوي وحر في داوي
ماهو طبيب ما يعرف ايداوي
وانا في الارض غريب وبراني
كل مضروب عارف الضربة منين جاتو ويعاني
وانا ياحرفي منين الضرب جاني
ضاع القلم وجن جناني
وغلة جناني شيح وريح
مافقرني ماغناني
طاب الجرح ازماني
وتراب بلادي سباب محاني
ماشفت غلتي ولا حق منها جاني
وحكمت نجوم سمايا تغادر مكاني
ماني ذليل ماني رعواني
هذا حظي ومنين الضرب جاني
تفكت الحروف من الوحايل
ومداد قلمها جايل
باين وملموس ماهوخيال ليك تخايل
صابو برد الجوف و دمو حايل
وعروق مني عليه تتحايل
طاب الجرح فيك ازماني خليك جايل
وفيق أحرفي ولا تتخايل
مدادك دم ومن القلب سايل
طاب الجرح أحمامي حلق فوق سما أحلامي
صول أوجول يا صايل
يا حرفي عبار الجرح مال و الميزان مايل
طاب جرحك وجرحك سايل
شعبي مصطفى
ليست هناك تعليقات:
إرسال تعليق