------------------
عيونك نفسي انام منها.......
دايما بصًالي وسحراني .....
وحاولت كتير ابعد عنها.......
الاقيها تبص كمان تاني ......
عيونك بحر وموجه عالي...
اصدافه تقولى وأنا مالي.....
وشطوطه رموشك ندهالي....
وحنينها يكفي لزماني............
عيونك ليل ومالوش آخر ....
بتاخد قلبي وبتسافر .........
وف ضي قمرنا بتعافر ......
اسبقها تقول استناني..........
عيونك حكايتها غريبه .......
مهما ابعد الاقيها قريبه ......
ألوانها في عنيا عجيبه...........
انساها الاقيها فاكراني...........
عيونك دنيا غير الدنيا............
بتوًه قلبي وف ثانيه ..........
يادوبك نظره والتانيه .......
يتلغبط عقلي وكياني.............
عيونك خلتني احتار .........
متلغبطه عندي الأفكار .......
لو يوم تبعدهم هانهار ........
خليهم جنبي علشاني..............
-------------------------
بقلمي/ رمضان عبدالله أحمد
ليست هناك تعليقات:
إرسال تعليق