ليه يا غاليه
لساتك متلفعه بتوب الحداد
و الضحكة فيك غايبه ليه
قولي يا امه وفضفضي
يا أمه اصرخي
مين اللي بدل توب هناكي
بالسواد
ابكي طيب وقومي
ويانا العزا
ولا ساكته وكاتمه
جواتك عناد
هاتخدي تارك ؟
يالا قومي
و حطي إيدك ع الزناد
أنا يا أمه متقسم حتت
اتكلمي
اتألمي
ولا حتى اتحركي
دا انت ف عز الحزن كنت
بتضحكي
وتقومي بعد المحنه
أفوى تكملي
ولا صابره وراميه حملك
ع اللي عالم بالعباد
أنا تايه ومش عارف سكتي
قوليلي مين بس اللي باعك
ومين شاريكي
ومين بحيرته لسه واقف ع
الحياد
بقلمي علا فياله
ليست هناك تعليقات:
إرسال تعليق