قطفةشعر.. من(زورق الليل)
إنسىٰ ياقلبْ..
لو فيكْ تنْسىٰ..
طبعكْ.. الحبْ..
ولافيكْ تقْسىٰ..
بَسْ اللي انكوىٰ..
بالنارْ..
كيفْ الوجَعْ...
ينسىٰ..
اتعودتْ عَ أنينْ الروحْ..
بهالليل تسْهَرْ..
نايْ مجروحْ..
ومنْ جرحو..
يشْرَبْ تَ يسْكَرْ..
خلصوا خوابي الصبرْ..
وشو اللي بعدْ يصَبّركْ..
عمْ تهربْ سنينْ العمرْ..
وعَ دروبْ الحلوينْ..
يرميكْْ الهوىٰ..
ينْساكْ عَ مَفْرَقْ..
اتْضيعْ ولايْعُودْ..
يرجّعكْ..
راحْ شراعْ الحلمْ..
لَ بعيدْ..
وتكَسَّرت مراجيحْ الفرحْ..
ولابقي هَنَا ..ولاَ عيدْ..
مسكينْ ياقلبْ..
وعليكْ شو بحنّْ..
صارْ العشقْ.. مجنونْ..
وليشْ عاقِلْ..
ولابتْجنْ..
بْعمروا مارَحْ هالعشقْ..
يتْغَيَّرْ..
ولا يهْدا جنونْ الهوىٰ..
سكرانْ ويْضَلْ..
يسْكَرْ..
وحاجة عَ حالكْ..
ياهالقَلبْ اتخبي وجَعْ..
وحاجة بقىٰ تِتْحَرْوَقْ..
وتِقْسىٰ..
جمال خضور
ليست هناك تعليقات:
إرسال تعليق