مضينا بغينا ما عاد نذكر مضينا
المصاب جامع شملنا بكل المصاب
عنينا تقرحت حيل من شدت عنينا
قراب حنه وبالوطن ماحنه قراب
عطانا الوطن كل شي وما عطينا
اعراب الفعل مانعرف وحنه اعراب
شفينا العلا من جراحنا ماشفينا
ولغراب ينعق بيننه وكلنا غراب
وعينا من عقب غفله ما النا معينا
السبب احنا العرب لونذكر اسباب
بدينا غلط وماعاد نمسك بدينا
اجناب صرنا بالوطن محنا اجناب
هدانه الخالق ولاكننه ما انهدينا
عناب نكظم وجرحنا اليوم عناب
خطينا لدروب وياكثر ما خطينا
منصاب قلبي مثل البنان منصاب
وتينا حن للحدث وانصاب الوتينا
بقلم أيسر السعدي
ليست هناك تعليقات:
إرسال تعليق