#مديت_إيديها_في_دفتر_الأشعار
مديت ايديها في دفتر
الاشعار وقالتلي غنيلي
قولي قصيدة شعر من كتاباتك
ووحياتك أوزن قوافي الشعر
خلي الكلام موزون
بيمجدوا في اشعارك
ويقولوا ونعمين
سمعني ألحانك
علمني معني الشجن
دوقني طعم الألم
حسسني نار الفُرقه
وقسوة الايام
عيشني في الأوهام
إكويني ب الغربه
وإرويني شوق وحنين
غرقني في الأحلام
إسرقني م الدنيا
أخطفني م الأحزان
كل الأحبه
إتنكروا وإستنكروا
وإستبصروا عميان
ومش عارفه
أنا اللي مش موجوده
ام هم اللي مش باينيين
هم اللي مش حاسين
كل الأحبه خلاص
راحوا ومش راجعين
هشششششششش
خلينا بقي ساكتين
كل الأحبه بتوعك
دُخان سيجار نيكوتين
مُلخص كُل إحساسك
في كلماتي
كتبوني الأحبه حضور
في دفتر الغايبين
(((.. مصطفى دسوقي ..)))
ليست هناك تعليقات:
إرسال تعليق