........... أغلى وطن ................
دقّيت دقّيت المسا
عَلْ و عسى ألقاك
و ظليت واقف أدرسا
بحزن و أسى
و أنطر من الشباك
بلكي حبيبي يلمسى ... البرداي......
ويبهجني رؤاك
لكن لا الباب انلمس
وشباك ظلو منترس
وخلف البرادي السابلي
ما في همس
حسيت إنّ زيارتي بساعة نحس
حيث إني ما لقيت يا ملاك
ورجعت مزعوج...... لملم خيبتي
و كل شي معي
محتار إطرح واجمعي
اقذف حصو
وحامل معي
باقة زهر
وسلّة فواكه تلمعي
وماشي من غير الوعي
وراسي انصدع
والنفس عم تلعي لعي
عا البيت حابس أدمعي
لقيت قدامي جواب
راكلو فوق التراب
فيه كاتب يعتذر
عن الغياب
وعن القهر وحر الجمر
والقلقلي و عيش الهلاك
هيك كاتبلي الولد
فكرت جد ترك البلد
وكلي قصد
على الله اعتمد
بلكي ولا بد القى سند
ببلاد ما فيها فساد
ولو لا الوجد وحب الولد
حرك بقلبي الشوق وكرهني البعد
وزاد شوقي للبنات
ومهما بعدت و غبت عنك
يا و طن
بظل اتنفس هواك
و بشتاق ل ريحة رباك
حياك يا أغلى وطن حياك
..............فرنسا في 28 / 8 / 2019 / م.......
.....................راضي الحناوي.........................
ليست هناك تعليقات:
إرسال تعليق