لنشر الحب انا عايز اكون كراس
وقلمى باب ومفتاحه بدون حراس
وقلبى فرحه للعالم وفوق الراس اشيل غايه هدفها الحب والاخلاص
هدفها نكون ايدين وحده وبتقرب مابين الناس
هدفها سلاح العلم ونبعد عن سلاح الفاس
هدفها يكون وفاء نادر ورحمه تقرب الاحساس
لا دا ابن فلان ولا علان ولا واسطه ولا الغلبان فى يوم ينداس
انا عاشق تراب بلدى وبتمناها تعشقنى
وبتمنى يزول منها كل خبيث او دناس
وتكون زى ماقال عنها فى قرآنه اله الناس
ادخلوها آمنين بعيد عنها شيطان وسواس
هدف ورجائى يتحقق فى ناس بلدى بدون اقواس
وعلمك رايه بترفرف على جبينك بنرفع كاس
قلوبنا هديه لترابك بكل الحب والاخلاص
تراجى محمود
03/09/2019
الشاعرة تراجى محمود
الاشتراك في:
تعليقات الرسالة (Atom)
ليست هناك تعليقات:
إرسال تعليق