بسحر عيونك
..................................
قال لي
يا حلوة بسحر عيونك جننتيني
وسرقتي عقلي مني ودوبتيني
رميتيني بسهم عيونك صوبتيني
ومن يوما عقلي شارد ما بقدر نام
...............................
سرقتي النوم من عيوني عملتي وسواس
تغلغلتي بشراييني ودخلتي الراس
يا أم الخصر المايس وعيون نعاس
خليني جوا بقلبك حلم الأحلام
...............................
يا حلوة قلبي طاير برموش العين
وبالورد الجوري الأحمر فوق الخدين
ولمن شفتن ضحكولي هاك العينين
رفرف بقلبي الدوري وغنى الحمام
................................
يا حلوة دخل عيونك حني شوية
ولا تخلي قلبك يأسى كتير عليي
الليلة جاية لعندك أمي وبيي
والسهرة صباحية وأحلى الكلام
................................
بدي يحلا بإيديك أجمل إسوار
وغني ورندح لعيونك حب وأشعار
وترقص كل الصبايا وتعزف أوتار
ويعلا صوت الغنية وتحلا الأنغام
................................
رح إكتبلك قصيدة بأجمل لحروف
وشيلك برموش عيوني والناس تشوف
ونلف الدنيا كلا وبالكون نطوف
ونرفع رايات محبة ويحلا السلام
....................................................
د . ملك محمود الأصفر
02/09/2019
الشاعرة د . ملك محمود الأصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق