نصيب
**
نصيب وربك حكم
ودي حكمة الخلاق
كاتب نصيب اللقا
ومين انكتب له وفاق
وان حالت العشرة
يبقا يحل فراق
واللي نصيبها انكتب
يكون يمين بطلاق
لا هو شيء هيعيبها
ولا علة في الأخلاق
***
يا خلق يا جايبة في
السيرة بالعاطل
إزاي في شرع الله
بتفتوا بالباطل
ده شرعه ومحلله ولا
احنا هنماطل
وده شيء مفيهش خناق
***
إن حد جه يطلبها
يقولوله معيوبة
يا أخينا دي مطلقة
متسابة معطوبة
في الرايحة والجاية
خطوتها محسوبة
والكل فيها طمعان
فاكرينها لعوبة
ومعاملة الناس لها
تبقا نفاق في نفاق
نصيب وربك حكم
ودي حكمة الخلاق
**
مها الخواجه#Maha
ليست هناك تعليقات:
إرسال تعليق