ااه يكلبي
شكثر تحمل من الاه
كلها بهمها وسقمها
وشكثر اهات
وي النفس تلفضها
صرنه اصحاب اني
والاه من يوم عرفتها
هم خففت همي وصرنا
اني وهي اصحاب
ما انساها دوم اذكرها
ها يحضي شبيك
حتى على الاه حاسدني
شنهو الظارك منها
الاه صاحبتي
واني صاحبها
دوم الاه اذكرها
ما تنساني ولا اكدر انساها
مرات اسميها سمره
ومرات اسميها شكره
ومرات ام عيون سوده
مرات تبجي صورة انشرها
ومرات بكلبي اضمها
صوره وي صورها
لان الاه روحي
ما اكدر احبسها
زرعتها بكاع عمري
بدموعي روينه نبتها
بيدر صار سنبلها
بجفوفي بمنجل
الفركه احصدتها
والامي وجروحي سواجيها
وبروحي مرزتها
شعندك يحضي الما صفه
وياي يوم ولا ساعة
دومك اجروحي تلجمها
على هاي حاسدني
شارد من القيل والقال
شارد وي الاه
ماريد غيري يسمعها
هي نفسي شلك دخل بيها
اي احب سمره
عيونها سود عايش
اتنفس ذكرها
احب شكره نرجس عيونها
غصبن على العاذل
بكيفي اوصفها
هي الاه ترضى
كل سمره احبها
واعيش وي احلامي ذكرها
---------
قلم ابو قاسم ال حربي
ليست هناك تعليقات:
إرسال تعليق