.... نداء لكل صاحب
هات الوفا وخوذ من عندي وفا
و بعيد عن درب التباغض و الجفا
أنت عا دينك قدس عا المسيح
و أني بصلي عا الرسول المصطفى
لمّا القصد توحيد ربّ العالمين
ما في فرق ما بين دين وبين دين
نبقى سوى بزي واحد أجمعين
ندقق الأعمال بدروب الخفا
الإنسان أخو الإنسان من لحم ودم
خمسة أصابع يَدْ ومثلا بالقدم
ما في علامه فارقه بشحص الأمم
قامات تشبه بعضها وجه وقفا
مجّدوا الإله في أعلى العلا
و السلام بذاتنا بأرض وفلا
عيسى ابن مريم قالا الأولا
خوذ المسّره من اليسوع مطفطفا
برسالة الإسلام هيك قال النبي
بأيات صدق و بالكتاب منزّلي
لا الصوم ينفع ولا صلاة المدّعي
إن كان ما في بداخلو ودْ وصفا
الكل ملقاهم عند واحد أحد
حاصي الخلايق كلها بدقة وعدد
ساوى جميع الناس بوسط اللحد
و جنّة الفردوس نال العارفا
لازم سوى نمشي على درب الوعي
و نحترم اللي معك واللي معي
من يعمل المعروف مأجور السعي
طوبى لمن دقق وزارو وخففا
بقلمي راضي الحناوي
ليست هناك تعليقات:
إرسال تعليق