وجزي المعاني ونمق القاف تنميق
وانصى عميد القافيه طيب الساس
بجزلت عطايا الشهم محنه ملاحيق
طلال يارمز العطى وعطر الأنفاس
يفوق الوصايف من قبل مانستفيق
واكبر كنز هو يملكه محبة الناس
مثل الذهب والماس والدر وعقيق
الصاحب الي كاسب الطيب نوماس
هذا الكنز والمفخرة وعز الصديق
حمد الخصايل وافياًمرهف احساس
لوتاهت الناس الجدى جدى الطريق
راعي كرامه ان غابت الناس وناس
يوفي الوعود ودوم عالعهد الوثيق
صافي وعذب الود اصفا من الكاس
ان غاب الخوي يسد مكان الشقيق
قطاع فرزه اليا اعتلا قب الفراس
شال الصعاب وينجدك ساعةالضيق
راعي الشهامه ماسلك درب الدناس
وراعي النباها مافعل غير ال يليق
يروم العوالي ليا انشهر حر جرناس
واليا خوى يروم الجزال الغرانيق
صافي النوايا تاج ينحط ع الراس
ويعلا بشانه فوق روس الشواهيق
يارب تعطي الخير لمن عطى الكاس
وتعطيه ودي من شغاف المعاليق
ياابو العطايا ملكة خمس الحواس
طلال يامروي الضمى اننشف الريق
يابدر ياضي عتومنه بليل الدماس
ومالك مثل ما بين غرب ومشاريق
دوك التحايا من خويك ابو فراس
بشخصك توثق راعيا الطيب توثيق
اخوك المحب أبو فراس أيسر السعدي
ليست هناك تعليقات:
إرسال تعليق