وبتدخل صفحتي كالعادة
وتملي يوماتي متبعاني
وبتحزن دايماً..........بزيادة
لو عِرفِت مرة إني بأعاني
وبترفض تعمل أعجاب
أو حتي تكتب........تعليق
وبترفض تفتح لي الباب
وتقوللي تملي إني صديق
حبيت أعرف يوم مشاعرها
وكَتَبّت أني بعافية شوية
لاقيتها بعتالي رسايل
كان باين فيها خوفها عليا
حسيت بدموعها في كلامها
والحزن ساكن ملامحها
واتمنيتني أكون.........قدامها
وقالت لي ع البعد..أسامحها
جاوبتني من غير ماأسألها
عن حاجة كانت.....شغلاني
ولاقيت قلبها حن وقالها
وبيحلف أنها....... عاشقاني
من بعد ماسمعت....كلامها
ماعرفتش أقول أيه تاني
(الشاعر 🌹شرف الدين فاروق أحمد 🌹)
ليست هناك تعليقات:
إرسال تعليق