دقت طبول الحرب ف بلادي
والحارس واقف على حدودي
وعلى أرضي أنا بنادي
بقوله لازم أوصل لحبيبتي
وأبلغ لها من قلبي سلامي
أنا راجع يا نبع حناني
أهديكي قصيدتي وحمامي
رسالتي جواها عمري
و من قلبي ببعتلك هيامي
يا أجمل ياسمينه في بستاني
يا هديل قلبي يا أسطورة أحلامي
بهديكي قبلة حياتي
قالت:افتح فنجانك هتلاقي
روحي مرسومة بأنفاسك
عصفورة محبوسة في أحزانك
أنا من غير ذكرى ف غيابك
دمي بيجري ف شريانك
يا دمعي يا لحن غرامي
بعتالك ساعة وأرقامي
إياك تنسي يوم عيدي
يوم ما تحرر كل حدودي
أنا رسماك وشم على خدودي
طبول الحرب بتغتلني
بتكسر كل حطاني بتدبحني
وردي دم عطره ع أرضي بيجري
إياك تنسي معادي وتخوني
أولادي واقفين ع خدي
رقمك أنا كتباه جوا ف خلدي
قال أنا خايف يا حبيبتي
رياح الحرب بتعصرني
بتسطر ع قلبي موجعي
كام مرة وأنا ف حدودك تحرقني
وأنا واقف وبسطر إسمي
رقمك مع إسمك يحرسني
ساعتك معايا تفكرني
بقراري أنا هغسل دمي
أنا هرسم على أرضك قلبي
فجأة على حدودك هجري
مش هسمح للحارس يمنعني
أنا هدخل في ميعادي وأقوك
أنا سامع صوت نبضك يا حبيبتي
أنا لامح ف عيونك ذنبي
أنا جايلك أنا همسح دمعك
أنا لازم بجهادي أعطر أرضك
جاني الحارس وحبسني
قال مجنون ولا حكيتك
قال لازم يعدمني
قلت أنا كارهك
يا يهودي يا صهيوني
أنهار خيرها جفت ف وجودك
من يومها
مسكني من أيدي وكلبشني
قلت ودمع عيونها بيحضني
أنا شهيد لجل عيونك يا حبيبتي
لازم أوصل في ميعادي
وأقدم لك أحمل أبياتي
لحن الحرية يا حبيبتي
يا أجمل نسمة يا هوى بلادي
تحت سماكي أنا حاسس بوجودي
أنا هصرخ ف وش العالم
واحكي قصتي وأحمي حدودي
والشمس هتشرق ف وجودي
يا أجمل إلياذة ف عيوني
أنا سمعك وهلبي نداكي
أنا هبقي شهيد لجل وجودي
لجل ولادي والجيل الجاي
أنا حالف أحرر كل حدودي
عائشة مكي
ليست هناك تعليقات:
إرسال تعليق