عـــــــــــام الـــــبــــون
شكون للي يدفي القلوب
ويكون غطانا وقت الشدة
شكون للي ينور طريقنا
نلقاو الهنى فكل بلدة
شكون يهمد هاد الحروب
يسلح السلام بأكبر عدة
شكون يمهد الطريق
وتسود المودة
من زمان ولفونا الكدوب
ركبو على ضعفنا
ركبو عليه من مدة
اليوم خانتني الصحة
تلهيت مع جوع المعدة
صبحت تايه مشطون
حرت باش نبدا
لقيت راسي عايش فعام البون
وهوما يشوفو الدنيا وردة
زدت فالدنيا مهموم
تعذبت نهار الولدة
كيفاش يا ناس نرتاح
كيفاش نربي على خوتي الكبدة
كل نهار نموت موتة
كل نهار ندوب فحال الزبدة
توفيق بومدين
ليست هناك تعليقات:
إرسال تعليق