وكأن وجعكم مش مكفيهم !
وظلمكم والألم
شئ مغميهم !!!
ولا حد حاسس بالوجع
ولا حد داري بيهم
شرايين كيماوي يا جدع
متوصله فيهم
ولا عدش في رحمه
ترحم بلاويهم
لأ لسه في لهاليب
تكوي وتشويهم ...
عكس إتجاه ماشي
بنزينه يكويهم ...
لا لا ده كان أرهاب
يقتل خطاويهم ...
في ناس قالت انابيب
وأتفجرت فيهم ...
حكاوي متفصله
علي الكيف كمان علي الهوي
وأهو كله عمال يدش
والكدب مالي الوش
واللي أتحرق نال لقب
راكب في تحت الطلب
والدفنة بالزغاريييدد
ميت من السرطان
وبتتكتب له شهيد
راح الولد مات الولد
بأيدين ماليها دم
والحال بئا بيغم
ويومين وننسي يا عم
فاكرين مصيبة القطر
لساها من كام شهر
ولا حد فيها اتلام
والقصة منسيه
حواديت ومقريه
صفحات ومطويه
أرخص ما فيكي الدم
بقلمي
أحمد المؤذن
ليست هناك تعليقات:
إرسال تعليق