باقة من النعاء الفراتي
جمع وتنسيق:الشاعر عبد خلف حمادة
~~~~~~
يا موت خذ من الطوارف
وخلي عمود البيت واگف
........................
بالحوش تبچي مدللتهم
مدري حنانة لو فاگدتهم
.........................
ديرم خشوم البل تغريب
بلچي بمصر نلگى الطبيب
..........................
لا سايل الگود الگبلنا
يا گود ما عينت أهلنا
........................
عالمگبره انحدرم اثنين
العاجلين المشيهم زين
........................
طلم علينا طلة الذيب
لا تنچلونا عالغريب
........................
يابيتهم بالموح مبني
وخالك ذبح هرواح يابني
........................
دربي بعيد وشايله ابني
وبيتك ياابن الأمي وين مبني
........................
مالبسوني الخام الأزرگ
وما لدلدم جلدي بمطرگ
........................
جاب لي المطوي بردنو
وگال البسي وان طال عمري
........................
ريح الولي ريحة عرندس
وحسو توالي الليل ونس
.........................
علواه نتلاگى والدرب ضيچ
ونسوم العذيمي بالگلب ليج
........................
جاني الجدح يذرف ملاتو
ويا مرحبا بالشايلاتو
........................
ما أريد من جيبك فلوس
أريدك ولي ياراعي الناموس
........................
ما أريدك تجيب ثوب لابني
أريدك ولي وبنص العرب تبني
.........................
اربط ذلولك بالشعيب
وهدش علينا بالمغيب
.........................
يا بيتها جنة ورنة
ويا صيتها بالسوگ غنى
........................
شيلوني حمل الرصاص
حملي ثچيل ويوجع الراس
........................
شيلوني الحمل كلو
وحملي ثجيل وما أگدر لو
........................
حكيمهم تركي وهندي
وكل من يگول دواك عندي
........................
صار الخضيض وعرك شچوه
وحديث النسا بادي عالخوه
گطع بيچن يا گاطعات
من بيوتچن وديار أهلچن
إحنا الگاطعات ولي گطعنا
واخوچ عفن وما جدعنا
........................
شبوط رومي جازرينو
وسربة عمامو فاگدينو
........................
شفت السبع يضلع من إيدو
ثاري السبع فاگد عضيدو
........................
جتلم بزيزة وأرض درچه
ودم الغوالي بالگاع برچه
........................
مفتاح صندوگج خذنو
عفنات مايستاهلنو
أو
البيت عكبچ فتشنو
.......................
يا رجلها مسواطة بلاط
وجيَّابة العلم الوكاد
.......................
يارجلها مسواطة العيد
جيَّابة العلم البعيد
.......................
تمشي فگع ما تاسي الگاع
حلوه وروس جدومها رفاع
.........................
مايذبحون ألا الفطيمه
أكثر لحم زايد غنيمه
........................
ما ينزلون ألا الخراب
وكرامه لمعشَّى الدواب
........................
ماينزلون ألا وحدهم
كرامة لمعشَّى جلدهم
.........................
ذبحها و علگها بچلاب
عزم عمامو والحباب
..........................
ذبحها وشفَّاها حميس
ودور لزادو عالونيس
..........................
سمعت العنين بگلب بستان
وعساك طيب يالچنت وجعان
...........................
أبچي على أمي العمرت لي
من الجاز والنيل صبغت لي
..........................
بالسوگ باعم شالتو
جاچ الخير ياخالتو
...........................
حمامات الحسن و حسين
چنتن ثلاثة صفيتن ثنين
............................
إش بيك يا جحجيح نايم
هديت حيلي والگوايم
...........................
يا خال عندك ريحة أمي
يا خال رد أمي عليا
.......................
جيت للزرب وان الزرب مردود
وثاريك ياخيي من النسوان مگرود
.......................
يا حيف يا أم عگاب ونج تموتين
ويا حيف عنز الريم خلت ولدها
ماهي من العفنات وماهي مصنة
وياريحة الياگوت ريحة جسدها
..........................
وآني نايمة اسمع علات الصوت
على نسوان ترملت يا موت
.........................
مع تحيات الشاعر عبد خلف حمادة
~~~~~~~
ليست هناك تعليقات:
إرسال تعليق