الشاعر عطاالله زين الدين

{{{{ غلا أمي }}}}
ان جابولي كنوز الدني
                   وكل الجواهر والذهب
وسبعة قصور مزيني
                    بأحلا عواميد وقبب
وكرسي العروش المسلطني
                  وحكم الاعاجم والعرب
ملوك وأماره تنحني
                  تلثم ايادي     والركب
وعشرة مهاره مرهدني
                  من خير سلالات العرب
وبكره سريعه بلثني
                  ياهنو  من  ظهرا ركب
واحمال حرير مثمني
                  ومزركش خيوط القصب
وبستان باثماره غني
               بكل الفواكه   والعنب
  والتاج  مع سيف منحني
             ورماح واقواس النشب
وعمرك يزيد بكل سني
           شهرين    كلهم     بلطرب
لاعد لامك تنحني
               وابعد و اعطيها  جنب
اقول لهم  تخسى الدني
            وكل ماحوته من عجب
وتخسى الحياة المرهدني
             وكل المناصب والرتب
ارضى بحياتي تنفني
           واعيش في كهوف وخرب
واقتات بجبني معفني
             وانام عا حاصير وحطب
وأكون جنب أمي هني
        وتلمس عاراسي بكل حب
  وقبل ايديها وانحني
            وقبل قدمها وين ماطب
ابيع كل ماوعدتني
             بنظرة رضى بدل العتبة
  بقلمي ((عطاالله زين الدين))