قصيدة زجلية : اللي تلف....
اللي تلف يشد الارض
الأرض أم حنينة
منها جينا
وليها راكبين السفينة.
اللي تلف يشد الارض
وإلى قد يشد السما
يدير الحرف جنحين
ويطير مغمض العينين
اللي تلف يشد الارض
واللي تلف
وبغا يهرف
من تحت الدف
تنزل عليه مغرف
اللي تلف يشد الارض
مالك اهاذا مع هذا؟
كال ليه رزفو
اش يقول غدّا اللي خلقو
اليوم دنيا و غدا آخرة
كولنا ف. نفس الباخرة
اللي تلف يشد الارض
. يدو طاحت ف. التراب
كولنا للتراب وتم الحساب
اللي تلف يشد الأرض
والأرض طويلة وعريضة
يرخف النفس
ويوقف التنهيدة
ويبدأ الحرث
بالزويجة
في نفسو
و كولْها يخبر ناسو
يغرس في ذاتو
يزرعها تفاح ورمان
ياسمين و بلعمان
ويحارب الشوك
قبل ما تدگو شوكة
يطيح ليه الميزان
ويطيح.
تلعب يه الريح
وما يسوي غير التراب
وهو التراب رجع للترابو
و داك الساعة
يشوف شحال الساعة
فات الفوت
ماعليه غير يشد الأرض.
عمر بنحيدي. 2019 /24/11.
ليست هناك تعليقات:
إرسال تعليق