حلم
******
عارفه أن قلبك عليه
يوم ماقلت انك عينيه
وقتها انا اتمنيت
لو ايديك تمسك ايديه
اتمنيت انك تجينى
وتقولى انك شارينى
تبقى ساعتها ملكت قلبى
وانت حبيبى وضى عينى
عارفه انى غاليه عندك
عارفه انى ملكت قلبك
لما بتسلم عليه
بسمع حتى نبض قلبك
لما بتقولى تعالى
والكلام يبقى فى خيالى
قربى منك يبقى جنه
بدعى وتكون مقسومالى
لما بتقرب شويه
تيجى وتبص فى عنيه
قلبى بيردد كلامك
ودقاته رايحه جايه
قلى كلمه طمن قلبى
خلاص مش قادرة أخبى
الكلام الحلو منك
خلى لون الدنيا ببمبى
*********************
*راوية حسن *
ليست هناك تعليقات:
إرسال تعليق