انا مش تحت امرك
امتى وقتك يسمح لك
لما تشاورلى أجيلك
وانت ولاحد يهمك
اوعاك تكون فاكرنى
انك تتملك منى
وانك ملكت قلبى
لو حتى عينك منى
انسانى وروح لحالك
انا روحى مش ريحالك
على قلبى انت مش باقى
وكمان انامش بقيالك
انا مش من ضمن حريمك
ولاجاريه فى ملك جنابك
ابعد عنى وريحنى
قربك ليه بيجرحنى
كل ماراح تبعد حبه
بعدك عنى يريحنى
ابعد عنى وانسانى
وياريت ماتكونش انانى
فاكرنى انا هاستناك
ولما ترجعلى ثانى
مشتاقه ليك بستنى
والدنيا دى ترجع جنه
لاء كل بعيد عن حلمك
ماتفوق وبلاش تتمنى
واللى انت زرعته زمان
كله بقى فى الحسبان
لوزرعك هو ده شوك
ازاى تجنى الريحان
زى ماهاتزرع تحصد
زى ماهاتزرع تحصد
*********************
#راوية حسن #
ليست هناك تعليقات:
إرسال تعليق