الشاعرة أمينه عبده

لساك وبتسأل ملامحها ليه بس بقت بالجد
والخوف م الناس ده قوه ولا لساه بالحد
الضعف اللي بقي جوايا ده حائط صد
من خوفى وكتر اللي اتشال واتحط
وبقيت مكسوره جوايا
بس في شكلي انياب بتعض
والقلب بيبكى من خوفه
ويبان وكانه لا اتشال ولا حط
ونسيت البنت البنوته
وبقيت عدت م العمر الالف
تجاعيد العمر بتعلم
وكأنه شريط القطر
والضحكه اتخبت ورسمت مكانها الجد
مع نفسي بحن لبنوته كانت ف عيونها يتوه العشق
والضحكه منها ترسم بكره بلون الورد
ياخساره الخوف خلاها مكسوره بجد
وبتتخبى وتدارى عيونها
قبل متفضحها دمعايه تنزل في وجد الجد
بقلمى ..
أمينه عبده