/////+++ بوهالي +++//////
وانا للي عرفتو وشتو
جاي غادي حامل كفتو
عايش في حالة بوهالة
لابس لباس دوك الكوالة
وحدو مفهوم حامل لهوال
اكلامو ذخيرة وسر لقوال
عكازو هدرة وشاد طريق
ويعاود اقصيدة لحريق
بودربالة داك السايح
بودربالة داك الرايح
ملي يشوفني نحس بالخوفة
حالتو ياحبابي مالوفة
بودربالة ماتسولوني
وحديثو معنى فهموني
عابر سبيل وقاطع ويدان
امي ويسرد لينا ديوان
يتوسد لحجر ويفكر
وسط الفقرة وراه يحضر
صيف وخريف شثا هطالة
ورفاقو حبابي بوهالة
لتكلم غير صغى لحديث
حب الله وانا به تبليث
دنيا غذارة تسوى الريح
وانا في حالي حامل تسبيح
ا//////+++ بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق