فرحة غلبان
نساوين بتّطبل ع الطِشت
وأغانى جميله
نسجتها خيوط الليل للعشاق
وبهيجه ام الستين سنه بتسقف
والفرحه على جبينها بتضحك
زى اما تكون أول مره الفرحه تزور الدار
كل جيرانك يا بهيجه بحبوك
****
ودِى مين ؟
قدريه
داخله على دماغها صنية
ونعيمه فى ايدها الشفشق مليان شربات
وحسين واقف وسط الستات
بيغنى وكل الستات بتغنى وراه
وسعيد بيقول حزمنى يا لطفى
علشان اعبَّر عن فرحتى بالرقص
وابن فريد اللى ما حصلش اتناشر عام
مبسوط ومصهلل م الضحك على سعيد
*****
وسعيد بيغنى وقول
نبوت نبوت
والحزن بفوت
وفرح بنتك يا بيهيجه
عمره ما هيموت
والناس بترد وراه
وبأعلى الصوت
*******
عبدالله بقول يا جماعه
لسه الذكرى السنويه لِوجنات ما فاتتش
رضوان ابو وجنات زعلان
انى رضوان ابو وجنات
أمى خلاص ماتت
تقريبا
فات على ميتمها الحول
ودى أول فرحه فى دار عبد الله
وانى أول واحد فرحان
لو كان لى مكان فى الرقص
كنت رقصت
وهغنى كمان
*****
رُدوا ورايا يا رجاله
رُودوا ورايا يا ستات
عروستنا قمر ومنور ليل
ماهى بنت إصول وخالها أصيل
وعشانها هغنى وأقول مواويل
بتنام الفرحه فى دار عبدالله لمدة اسبوع
الوضع دا كان سبعه وعشرين ابريل
تسعه وخمسين
ويشاء القدر ان الدنيا استلمت عبتواب
فى كياك ستين
والأغرب
إن يا دوب سنه فاتت
وام الشئ عبتواب
تتطلق بعد ميلاده بشهرين
********
شاعر القريه
فيصل بدر
ليست هناك تعليقات:
إرسال تعليق